القصيده :لاتنـــــــــــــــــــــااام....
دخيلك ..لاتنام وما عقدت الصلح
مابين الليل /وعيوني /ونسناسك
أبي ليل ..يسولف عن شعور الصبح
وأبي صبحٍ ...يحدثني عن أنفاسك
حرام إنك تشو ف..إن الخسارة ربح
حرام إنك ..تواري الحلم في ياسك
يشتتني غيابك /لا لمحتك لمح
بظلام ما سرق من روح نبراسك
أحس الصبر مثل أكذب قصيدة مدح
ومثل أعذب قصيدة حزن باحساسك
مثل ذكرى على جرحي تذر الملح
مثل حزن ٍ نطق با سرار كراسك
من أول جرح /لغيابك /لآخر جرح
من أول هالسهام /لآخر أقواسك
دخيلك ..هالعذاب اللي ذبحني ذبح
تمعن به ...قبل ما تكسر نعاسك
